Ass-nni n 31 di duğember 2011, yiwen ilemẓi di taddart n Tamda i d-yezgan di tγiwant n At Wagennun yenγa yiwen ilemẓi-nniḍen s lmus. Σlaḥsab n yisallen i aγ-d-yewwḍen, tella si zik gar-asen teεdayit. Ihi, d asekfel kan i tt-id-skeflen ass –nni mi nnuγen. Akken kan yeffeγ lexbar s tmenγiwt n yilemẓi-nni, ruḥen imezdaγ n taddart n Tamda γer uxxam n winna akken yenγan, rẓan-t u sserγen-t. Cwi kan ulac anwa yellan din, ruḥen ad sεeddin aseggas ajdid γer yimawlan-nsen, tili teḍra twaγit-nniḍen d tameqqrant. Kra n wussan kan, ṭṭfen yiγellan n laman win yenγan, ha-t-an akka tura di lḥebs.
Hocine.M