Croissant rouge azzayri n lwilaya n Tizi wezzu, d win iferqen igerdasen i 22 n yimselken yettekkin di tannant n usellek n yimdanen yenṭerren. Imanunen-a ṣṣawḍen s aswir wis sin anda i ɣran azal n 10 temsirin anda i lemden amek ara selken amdan uqbel tiwḍin n srabes n usellek. Tikkelt-a, ula d inelmaden n tesdawit ttekkin deg tannant-a, imi, d ayen yeǧǧan imḍebren n lxedma-agi ad swesɛen deg unnar ulmud yecban wagi. Ad d-nesmekti kan belli deg yiseggasen yezrin, 3322 n yimdanen i d-yesfaydan s kra n wussan n ulmud ɣef usellek.
D.I
Friqat
Lixsas n lemɛawnat n lebni
Taɣiwant n Friqat i d- yezgan deg unẓul amalu n lwilaya n Tizi Wezzu, d tin i d- yesfaydin s 1238 n tmezduɣin n tudrin, maca mazal ur kfin ara lecɣal deg-sent imi wḍen ala ɣer 69% , ladɣa ilmeẓyen i d -yewin lemɛwna n 50 imelyunen n santim. Ma d wid i d -yesfaydin s 70 imelyunen,lecɣal n lebni banen-d tteddun akken iwata. Ssebba n waya, ɣef leḥsab n waṭas n yimdanen i nesteqsa yuɣal êr leɛla n wallalen, ayen yecban ssima d wuzzal yewḍen s anda ur asen-yettizmir ara umdan. Dɣa, d yiwen iɛewwiq i d-yezgan deg udem n wid ur nessaweḍ ara ɣer 70 imelyunen !
D.I .