Ddurt-agi yewwet-d wedfel. I tekkelt tamezwarut i t-walaɣ. Ass kamel recqeɣ di ṭṭaq ttnezziheɣ deg umeččim iɣelli-d.
Ihuh, acḥal c’était beau ! Seg wasmi d-nulfaɣ ar ddunit mebla ma icawer-iyi-d yiwen, ur walaɣ cbaḥa yecban tin. Kulec d amellal ! Deg yiwet n dqiqa, tbeddel akk ssifa n lasiti-nneɣ. Ula d les bacs à ordures, ḥacakum, d-iqublen abalku-nneɣ uɣalen méconnaissables : ad as-tiniḍ d les bacs n lwerd amellal ! Tameddit n wass, tessels-iyi yemma abalṭu, tisebbaḍin d yiqaciren deg ufus, neffeɣ. Berra, mi neffeɣ seg lasiti, c’était encore plus beau. Ulac aɣebbar, ulac aluḍ, ulac tikerwas…
Ula d les adultes-nni banen-iyi-d…beaux ! Ttaqa deg-sen lsan, am nek, iqaciren deg ufus. En plus nnecraḥen , yefsa ujeǧǧig-nnsen dayen kan. Mi ten-walaɣ tturaren s tkurtin n wedfel, cubaɣ-ten ɣer yibibiḍen i wumi d-yeffeɣ uyefki seg umeẓẓuɣ. Franchement, ils étaient adorables, ass-nni. Lukan akken igan i lebda, jami ad yenger wedfel d les bacs n lwerd amellal. Akken kan qqujrent tqejerrin n yemma, tenna-k : “kker ay abibiḍ ad nenejmeɛ s axxam!”. Nennejmaɛ s axxam. Akken d- yeɣli ṭlam, yebda le rituel “toilette, couche, compote…dduḥ”. Argaz-nni d-iheddren di rradyu yenna-k belli adfel d-yeɣlin yegla-d s waṭas n lexsara : iberdan gezmen, ixxamen hudden, imuḍan ur wwiḍen ara ar sbiṭarat… Mi d-yekcem baba, yenna i yemma belli yiwet n tmeṭṭut, s tadist, iwin-tt-id ɣef uḍar seg taddart ar sbiṭar. Maɛna, deg ubrid, deg wedfel, i d-terba. Toutes mes pensées et ma sympathie i yibibiḍ d-ilulen d yemma-s. Diprimiɣ, mi sliɣ i yer lexbarat-nni. Ɣileɣ dayen, s ddurt-a d afella, ad tecbeḥ ddunit.
Lḥasun mes quelques neurones lemdent belli ayen icebḥen ur yelha ara forcément. Ziɣ tekkumpliki ddunit-a !
T.Ould amar
* Teffeɣ-d di dujember 2010