Tenṭeq-d teqcict-nni, tenna-asent: – Semmḥemt-iyi, semmḥemt-iyi, ttxilkamt eǧǧemt-iyi ard ḥlu&gamma,; ad ṛuheγ. Tilawin xas akken ur d asent-d-yehwi ara lḥal, ǧǧant-tt . Taqcict teqqim deg uxxam n ufeḥḥam kra n wussan. Di taddart n ccix, Σica ma tettru ulac lehwa, ma teḍsa ulac iṭij, ma temceḍ ulac ddheb, ulac lfeṭṭa.Iṛuḥ ccix γer wanida yella umeksa, yeddem iεelleq-it, yenna-as: – Teskadbev-iyi ! Ayen yakk iyi-tenniv ur tesεi ara weltma-k! Dγa aqcic ameγbun iεelleq-it ccix di teγmeṛt i wabbu. Ma yella d ultma-s, yiwen was tekker ad temceḍ, tenna-asen i tlawin ufeḥḥam ad as-d-fkent liẓaṛ ad temceḍ γer-s acebbub-is, dγa tilawin la ttaḍsant amek ara s-fkent liẓaṛ ad d-temceḍ γer-s tilkin-is ! Dγa taqcict tesfeǧ taqaεet, tenna: – Besmelleh! Tiden ttkemmilent taḍsa fell-as. Akken i tebda imceḍ, bdant twiztin n ddheb d lfeṭṭa la d-γellint γer lqeεa, tilawin-nni wehment, tεeǧǧbent deg ayen ara ttwalint! Kkrent s mγawla, ssant-as liẓaṛ ad temceḍ γer-s. Akken tfuk imceḍ, teddem tefka-asent ayen i asent-yekteb Ṛebbi. Tilawin ferḥent aṭas maççi cwiṭ ! Aḥric tefka-t i ufeḥḥam, ma d wayeḍ tefka-as-t i ufeḥḥam ad t-yawi γer taddart nni n ccix i deg yella gma-s yak d Σica. Ad ileḥḥu abrid abrid ad yeqqaṛ: – Anwa ara yaγen ddheb s wallen?. Iṛuḥ urgaz γer taddart nni i γef tweṣṣa teqcict ; mi yewwed yexdem akken i as-d-tenna, yessawal: – Anwa ara yaγen ddheb s wallen? Anwa ara yaγen ddheb s wallen? Kra n win i as-yeslan yewhem: anwa ara isebblen allen-is s ddheb? Akken i as-tesla Σica teffeγ-d γer-s, tenna-as: – D acu akka ara teqqaṛed? Argaz yenna-as: – Ala snuzuyeγ ddheb s wallen ad taγeḍ…
Tettkemmil Seg tgemmi n teqbaylit