Tagnit-agi taqesḥant i ttidirent tuddar n leqbayel ur tt-zgilen ara wid yuɣen tannumi s tsertit opportuniste. Awi-d kan ad d-inin u ad d-bnan s wayen ara d-inin mgal ddula, mgal adabu, mgal…kulec. “L’oppositionnisme” yerna deg tnefɣa, imi d-yeḍher wefran n ddipitiyat.
Ajeǧǧiḍ-nnsen yenṭeḍ ula d aẓeṭtṭa n facebook. Lhasun ulac ayen ur d-nnin, kulec iɛedda. D acu, ttun yiwet n temsalt ur tt-id-udiren ara : amek ara ldin iberdan, ad issiwḍen lgaz, d smid i wid iten-yeḥwajen deg tuddar yenḥafen. Ur d-nnan ara belli cɣul-agi ur nesɛi lemziya zwaren ɣur-s iselwayen n tɣiwanin. Anwa i d as-n-yeksen ad heyyin iman nnsen i yir taswiɛt asmi kan d-yeɣlu wulɣu n BMS ? acimi ur ḍfiren ara abrid n lmir n tɣiwant n Mchedellah, yemmubilizin acḥal d akamyu (privés) akken ad yessiweḍ ayen i ilaqen i tuddar yeṭṭurfen. Neɣ daɣen am lmir n ddira i yemsefhamen d yimezfaɣ n tɣiwant-is ad ǧǧen tiwwura n yixxamen nnsen ldint i yimsebriden d wid teḥres tugnit…
Nezra akk d acu teswa ddula. Neẓra daɣen belli ddula tbeddu seg lamiri d-sbedden wid yesnuɣna wedfel
Ifsan.O.A