Tuddar n At Laεziz, tamazya d twilayt n tubiett,lsant tiqnedyar d timellalin,cbḥent ayen din,ad as-tiniḍ d tislatin. Gar-asent yiwet qaren-as Iburasen; tuli acemma nnig tiyiḍ,azal n 1m i yessa udfel dinna. mi ara tawwdeḍ γer din ad tissineḍ taqbaylit , akken iyi-d-yenna yiwen seg yimezdaγis ass-a,am wat zik,gemnen kan γef yiman-nsen,ur rğin yiwen ad asen-d-yessiweḍ ayefki neγ awren acku γas ad yili wallal n usiweḍ ,Ur izemmer ara ad yali. Yal axxam deg-s isγaren,irden. yal axxam yesεa tisirt n zik,wa yettbedda γef wa :tella tallalt(aεawen) gar-asen. Ar tura ,azeṭṭaγur-sen la d-yettak ibrenyas d yiḥuyak. Xddmen taneqqlet,Llan yiniγman. Amek ara uggaden tagrest ?
Br. Bahmed