Ddeqs yid-sen i d-rzan ɣer Tizi Wezzu, wwin-d yid-sen isura s tmaziɣt, wwin-d yid-sen rriḥa n tegrawla n imaziɣen n Libya, tudert di tlelli i yiles d yidles amaziɣ. Tafsut ad telhu imi telha temlilit yid-sen , di Tizi: Madi Madɣis, Azru Magora, Usama d wiyaḍ nniḍen.
Aɣmis n Yimaziɣen: Si Libya, seg Wedrar Ineffusen, almi d Tizi Wezzu, bɣiɣ ad aɣ-d-temmeslayeḍ cwiṭ ɣef temlilit-agi gar Imaziɣen n Libya d watmaten nnsen n Tizi Wezzu
Madɣis : ɣur-i krad n imalasen, usiɣ-d dagi di Lezzayer, zriɣ mas Assad, yenna-yi ilaq ad taseḍ ɣer-naɣ, nesɛa yict n tfaska, nekni di Libya mbaɛd tagrawla nga mennaw lfilm, setta laflam n tmaziɣt . Yenna ilaq ad tasem ɣer ɣur-naɣ, bac ad tawiḍ lfilm amaziɣ, ad tissinem imaziɣen nneɣ.
D annect-nni i nwala, sin isura, mmeslayaɣ-d cwiṭ ɣef ssinima s tmaziɣt di Libya. D tikelt tamezwarut ara tgem isura s tmaziɣt?
Ala, llan, di 1985 gan yiwen lfilm, dagi di tmurt n leqbayel di 1994 igan lfilm s tmaziɣt. Ilaq a nexdem gar imaziɣen n Lezzayer d imaziɣen n Libya d wid n lmarruk.
D wag i d iswi n tfaska-yagi, d asemlili gar imaziɣen n tmura-yagi i d-tbedreḍ. Lḥaǧa yelhan d aɣen, tesxedmem tifinaɣ deg usaru “Ǧeḥḥa” acuɣer?
Di Libya, tifinaɣ d lextyar amezwar, di tegrawla nettaru s tfinaɣ, ur nezmir a naru s usekkil alaṭini xater ur nesɛi ara iles yiḍen di Libya. Tamaziɣt ɣer-naɣ d tifinaɣ.
Akken kan a nekfu, d acu ara tiniḍ ɣef imaziɣen n Tizi, d acu tettheggim sya ɣer zdat?
Imaziɣen n Libya, ur ɣer-sen lxetyar, yexs ad ddun alguddam, ayetmat-sen di Lezzayer ilaq ad ten-ɛawnen, ad ɣren tamaziɣt. Nebɣa a neg tafaska n lfilm amaziɣ, aseggas i d-yusan ncallah.
Qrib asmekti n 20 di yebrir, nessarem ad tḥedrem asmekti-yagi.
Nekni ɣer-naɣ di Libya, ad nexdem tafaska meqqren si rebɛa alma d ɛecrin di yebrir. D tafsut n imaziɣen.
Testeqsa-t Zira