Mmtafaqen inelmaden n tesdawit Muḥend U Lḥaǧ n Tubiret “ad ldin tiwwura” n wesmekti n Tefsut n Yimaziɣen s tejmilt i Nur Ould Amara, ameɣnas n tutlayt tamaziɣt. Tajmilt-agi tell-ad ass n tlalta yezrin. Samia Bensalem, i yefkan ula d nettat lǧehd n tezmert i tmaziɣt , truḥ-d beddemma si Lpari ad teḥḍer i tejmilt rran inelmaden i wergaz-is. Llan-d di temlilit-a aṭas n yiselmaden yexxulḍen amerḥum. Gar-asen : Boudinar M’henna, Mourad Mellab, Bitou, Fuɣali, Azzouz Mohamed, Soualah Messaoud akked d Tahar Ould Amar.
Awal tebdat-id massa Bardus, dɣa d taselmadt din deg tesdawit. Syin akkin tmud awal i yimddukkal n Nur: Mhenna Boudinar, ameddakkel-is n temẓi d wukud d-yewwi amecwar ɣezzifen deg timuɣnest, Murad Mellab yellan d aɣen d ameddakkel-is ama deg uselmed n tmaziɣt neɣ berra i umahil. Messlan-d, daɣen fell-as yimddukkal n tanant n Ben Σeknun 95 gar-asen: Mesɛud, Biṭṭu. Yemmeslay-d daɣen s tewzel Tahar Ould Amar ɣef later n Nur di tɣamsa.
Akken ma llan wid yekkin di tejmilt mmtafaqen belli lxir ara yuɣalen i Nur d ttiɣin n webrid i d-yuɣ si Kuku almi d Lparui anda yewwerḍ leɛfu n Rebbi.
Azzouz Mohamed