Ar ass-a tceggeḍ-aɣ tidet yeffren, yettazzalen di tregwa n umezruy-nneɣ am uzaylal iɛeddan fell-aɣ d nekni nettwali, ɣef yelmeẓyen yettwaɣedmen d imecṭaḥ s ifassen n yeɛdawen n tudert. Yal imi ara yernu useggas ɣer 2001, yettruḥ nnefṣ di ṣṣura-nneɣ, amek akken ɣaben gar Yiḍ d Wass, am zun ur d-lulen ara, am zun ur ddiren ara, am zun ur smiden ara 19 n iseggasen imiren, am zun ur wwin ara asirem d aɛwin am tezyiwin-nnsen, ad idiren, ad d-awin Lbak, ad ferḥen ak imawlan-nnsen, ad ḥemmlen, ad qqimen akken si leɛḍil ar ttɛeddi zzedwa n rrṣaṣ, neɣ akka a tamdakelt n temẓi-s?! Limer tidet d awal kan, tili ad tazzel deg yimawen-nneɣ meẓẓi meqqar ɣef wid-nni yezzenzen ileqqaqen, ɣef wid-nni yezzewren tarṣaṣt uqbel tudert, ɣef wid-nni i ɣ-yeḍlan ammus ur nettirid, tthabin tidet ula di tnebdar…Lukan kan ad teqqed tasa-nnsen akken qqden tisiswa n leḥbab, n imawlan d imeɣnasen n tilelliyin…Yiwen wass, ilmeẓyen n yiḍelli, d irgazen n wass-a, wid-nni i iḥedren i terṣaṣt imi tɛedda deg uqerruy n watmaten-nnsen, Yiwen wass ad dlun fell-as, ad arun amezruy akken ur iseffeḍ, ad t-arun akken ara yidir !
Zira