Simmal nettidir nsel ! Uqbel tifranin yezrin , ama d adabu neɣ d imagdayen id iheyyan iman nsen ɣer tefranin, ttuɣun akk aya : « Ma yella agdud ur iruḥ ara s waîas ad yebuîi , atan d inselmen imeîturfa ara tt-yawin, ḥedret anda is-tettakkem tagnit ad awi leḥkum » . D acu kan ayen ur d qqaren ara , neɣ ayen ur d-nnan ara ama d imḍebren udabu neɣ neɣ d wiyaḍ . Inselmen imeîturfa , ɣezzif ufus nsen , arsu ôeûûan mliḥ iman nsen deg lḥukuma tazzayrit . S wacu neɣ amek ? S kra n yimḍebren n leḥkem ; ama d lwali neɣ d aɣellay n wasun (chef de Daïra) ,neɣ aselway n tɣiwant ; wi ẓran ?
D ayen yeḍran deg twilat n Tizi Uzzu , mi iruḥ usqamu n taddart Igufaf ad d iẓer lwali u ad as-icetki neɣ ad as-iru ɣef lexsas tettidir taddart. Aɣbel ameqran n taddart , d aqabuc (decharge public) , i bɣan ad tesbeɛden ɣef tmezduɣin . Sutren deg uqerru n Lwilaya n Tizi Wezzu ad asen d-yefk kra n tedrimt akken ad d –aɣen atraktur , neɣ akamiun i usufeɣ n yiḍuman . Hat-a wayen id-yeḥka imḍebber wis sin n usqamu n taddart Igufaf , mi nedda d terbaɛt n tiliẓri BRTḍ ɣer taddart-a , ayen ara d –yini uɛeggal n usqamu yettwasekles s temsikent , ssut d tugna ; hat-a wayen id-yenna : « D acu id-aɣ -id –yenna lwali n Tizi Wezzu , yenna-aɣ-d aya ; ma tebɣam ad txedmem lǧamaɛ nwen aẓreɣ yiwen ad ken-id-iɛawen s 12 imeliaren ( 12 milliards) ; ma yella d atractur neɣ akamiun ara yessufɣen aqabuc n taddart , ad waliɣ d acu id yenna lqanun , acku maçi d ayen i sehlen … » .
Ziɣ , 12 imeliaren i lebni neɣ i ureqqeɛ n lǧamaɛ sehlit , maca akken ad sufɣen kra n tedrimt i tezdeg maçi dayen isehlen ɣur ddula tazzayrit . « 12 imelliaren , yenna yimḍebber n usqamu n taddart Igufaf deg wawal-is, a mass lwali ad nexdem yis sen akk taddart , ad nekkes akk lḥif ttidiren imezdaɣ n taddart nneɣ , ama d aman , trisiti , lakul, iberdan,mebla ma nettu aqabuc ; ula d allaɣen n yimezdaɣ ad izdigen maççi ḥala aqabuc d taddart s 12 imeliaren a mass lwali . »
Akka id-as-yerra i yimḍebber amezwaru n lwilaya n Tizi Wezzu . Tahar Ǧaɛut (ad yettwarḥem) yeǧǧa-d awal : Llant snat n twaculin ; tawacult yettazen , tawacult yettwexiren ɣer deffir . Simmal nettidir nsel .
Tina B