Tanemhalt n tfellaḥt n lwilaya n Tizi wezzu teḍmeɛ azal n 20600 iqenṭaren n leɣella yelhan n leḥblemluk, i useggas-a, deg tamiwin yemxallafen n lwilaya. Tessarem azal n 23 iq/ha, aya s sebba n liḥala n tegnawet yelhan d yigufran yewwten deg cetewa.
Leɣlla-a d tin yenernnan ɣef useggas yezrin, anida ur teɛdi ara 20000 iqenṭaren. Ar tura azal n 770 n yiqenṭaren i d-yettwaksen deg Larebɛa Nat Iraten d Ireǧan. Ad ner tamawt belli idurar ɛlayen n tmurt n leqbayel d wid i deg tella s waṭas lɣlla-a n leḥblemluk, ladɣa Larebɛa Nat Iraten (384 ihegṭaren), ɛin Leḥmmam ( 320 ihegṭaren) d Ireǧan (246 ihegṭaren).
Si tama nniḍen, yesunefk ad nar tamawt belli lɣlela n leḥblemluk d tin i ixussen mačči d kra, seg iseggassen n 1980. Sebba n waya, d yiwen n ubaɛuc (capnoide) i ishelken azla n 60% n ttjjur. Tanemhalt n tfellaht si tamma-s tehegga-d yiwen wahil wessiɛen n tuẓut n 12 600 ihegṭaren n ttjjur n leḥblemluk , mbaɛd mi ara d-yili userɣi n ttjjur yuḍnen .Ɣas akken tella-d leḥemla ɣef waya, ifellaḥen ur d-rrin ara i tiɣri n imusnawen n tefelaḥt. Ar assa mazal ahil-a ur d-yelli ara.
Dalila I