Tajmilt i Soraya Haddad

Partager

S lmendad n uselway n tɣiwant n Leqṣer (El Kseur) di lwilaya n Bgayet, iɛeggalen n tɣiwant-a d yimezdaɣ-is, tuɣal-as yiwet n tejmilt d tameqqrant i tnaddalt tameqqrant Soraya Haddad, ass-nni n tlata 12 yunyu 2012 deg uxxam n yilmeẓyen n temdint n Leqṣer. Aya yella-d ilmend n umecwar-is igerzen deg waddal n ljidu d uɛeddi-ines ɣer wuraren n “Olypique n Londres” ara d-yilin seg 27 yulyu ar 12 ɣuct 2012.

Ɣef waya, Yenna-d uselway n tɣiwant n Leqṣer mass Abdelouahab Lounis”…tajmilt-a, i Soraya Haddad, tella-d imi yezwar lxir-is nettat i icerfen tamdint-is, Leqṣer, akked tmurt-is Lezzayer s umata…”

Ad d-nesmekti kan belli Soraya Haddad tḥerr-d deg 19 unbir 2011 cciɛa n ureɣ(dheb) seg uraren igraɣlanen i d- yellan deg Rotherdam(Pays-bas), deg lmizan n ddaw -52 kg sdat n tjaponit Hashimoto Yuki.

Samir At Buɛza.

Partager