Di taggara n yimalas yezrin,yiwet n terbaɛt n kra n yilmeẓyen n tɣiwant n Saḥaridj rẓan ẓẓerb n tugdi iwakken ad d-skeflen ayen akken yellan d ansay i d-ǧǧan lejdud-nsen. Ɣef waya, ilmeẓyen-a uɣen abrid srid ɣer temguṭ i yellan ɣef leɛli n 2308 n lmitrat. ɣef leḥsab n yimerza-a, ɣas akken leɛtab n tukli qublen-t mebla akukru, meɛna asemmiḍ i ten-id-yemmugen d win icuban uḍan n lyali. Akken yebɣu yili lḥal, tabɣest n yilmeẓyen-a d tin ara d-yerren asirem iwakken ad ssuzfen tugdi izedɣen imdanen acḥal d aseggas-aya.
S. M.