Ddurt iɛeddan, fɣen-d kra n yilmeẓyen n tɣiwant n Ccerfa , ladɣa wid i izedɣen deg Udarji ,akken ad d-inin ala i tafat-a i yettruḥun tettuɣal . Di tazwara tgezzem deg lweqt ɣer lweqt , ma d ussan-a ineggura tɛedda tilas, texdem aṭas n txessaxrin deg wallalen i iteddun s trisiti akka am : tiliẓri, tiferfrin n ubeḥri, ifrijidiren d wayen-nniḍen. Seg zɛef, nnejmaɛen yilmeẓyen-a, msefhamen, ulin ɣer Mcheddalah, anida tella SONELGAZ, ḥebsen-ten deg uxeddim sufɣen-d wid i d-yusan ad selken tifakturin, nnan-asen amek ara txelsem, nekkni ur nesɛi ara tafat, amek tamurt n tafat txus-itt trisiti ! Ula d taɣiwant n Tqerbuzt daɣen tettcetki ɣef lixsas-a, nnan-d remḍan d lḥemman rnu-yas uguren am wigi. Ma yella ur xelsen ara ɛennun-ten-id ɣer yijga n yixxamen-nsen akken ad asen-tt-gezmen. Ma d ayen yellan d lwajeb fell-asen ur t-xeddmen ara. Imi ɛelmen dakken deg unebdu ssexdamen ataṣ tafat, ayɣer ur ɛeddlen ara leḥsab i wannect-a, ad asen-zegden trisiti .
Soraya Rabia