Taggara n yimalas yezrin, tbeggen-d lejrida n yimdanen i d-yesfaydan s tnezdu γin deg t γiwant n Lesnam. Ɣef lehsab n yisallen i nes ɛa, ugar n 900 n yimdanen i yettwajerden i wakken ad awin amur-nsen deg usenfar-a, me ɛna, d ayen iwumi ur tezmir tnabdelt ad d-tili deg leb γi n yimdanen, imi asuter yugar ayen iwejden. Ihi, tasebhit n wass n larebɛa yezrin, aṭas i yenwan dakken ad d-yili uhetwir imi nwan dakken wid ur d-neddi ara deg lejrida, ad d-beggnen lγid-nsen ahat s usexdem n yiγil am wakken i d-yettili deg waṭas n temnaḍin. Maca, ama d axxam n tγiwant neγ win n ddayra, ur d-yelli usuγu neγ aɛeggeḍ, imi tasusmi n yimdanen tbeggen-d swab yellan deg lejrida. D ayen dγa i aγ-d-yenna yimḍebber n ddayra n Beclul Mass Ait Ali : « Neɛred i wakken ad nili deg lmendad i wid yuklalen ixxammen-a. Zemreγ ad d-iniγ dakken nessaweḍ ad nqenneɛ imezdaγ n tγiwant n Lesnam belli lwelha-nneγ tettezzi γer wid yuklalen». Iwulem ad d-nesmekti belli deg tγiwant-a, yella-d akka deg waggur n yulyu yezrin, yiwet n lḥemla n usedrem n yixxamen iqdimen mi akken taγiwant tessewjed-d sanda ara uγalen yimdanen. D yiwen n ccγel i ittezzin itenneḍ acḥal d aseggas-aya. Aya yeḍra-d s lmendad n unegzun di rray sγur yimḍebber n ddayra mi akken yemcawar d yimezdaγ terza taluft n yigiji.
M. Smail