Yezzi wawal ussan-a ɣef tikkin n Habiba Djahnine deg temzizelt i waraz n Prince Claus d-yettilin deg tmurt n Holande. Araz-a meqqren d asteɛref, d win yettaran tajmilt i yimeɣnasen i sebblen ugar tudert-nsen ilmend n umennuɣ ɣef yizerfan n umdan d umennuɣ adelsan. Ihi, mačči d awal kan, Habibba Djahnini, d yiwet n tmusnawt Tazzayrit, d tamyarut daɣen, tettwassen ugar deg umaḍal n usaru, ladɣa s usaru-nni “Lettre à ma soeur” s-yuɣalen d tajmilt i ultma-s Sabrina Djahnine yettwanɣan deg iseggasen-nni n 1990 s ufus n yirebraben. Habiba Djahnine tlul di Bgayet, tekker-d deg yiwet n twacult n yimeɣnasen, ass-a tettidir gar lɣerba d trmurt n Lezayer. Tameṭṭut-a daɣen d yiwet gar tlawin yugin ddel d kennu akken a d teǧǧ deg yizerfan n umdan s umata, amennuɣ adelsan akk d umennuɣ ɣef yizerfan n tlawin, anda ma tella. S wakka ihi, Habiba Djahnine, tufrar-d gar 10 ara ikecmen deg temzizelt n taggara ilmend n waraz-a Prince Claus n tmurt n Holande. Asirem n yal Azzayri, nebla ccek, d akken ad nẓer Habiba Djahnine tuɣal-d s waraz-a Prince Claus, imi tuklal-it s waṭas ma nemmuqel ar wayen tedda deg umecwar-ines n tmeṭṭut tameɣnast.
Samir At Buɛza