Taneɣlaft n usegmi aɣelnaw Massa Nouria Benghabrit, tefka-d deg tansa (le site) n tneɣlaft-is leğrida n yikayaden n useggas-agi aɣurbiz 2016 / 2017. Ihi, ha-ten-in amek ara d-asen: akayad n taggara n uswir amenzu 5e , ad yili ass n 28 deg waggur n maggu ( 28/05/2017). Ma d win taggara n uswir n ulmud alemmas BEM, ad yili gar 04 ar 06 seg waggur yunyu (04-05-06/06/2017). Ma d win n taggara n uswir n tesnawit neɣ ayen iwumi qqaren BAC, ad yili gar 11 ar 14 deg waggur n yunyu daɣen (11-12-13-14/06/2017). D akayad n waddal ama d win BEM neɣ d win BAC, ad t-sεeddin yinelmaden deg yiɣerbazen-nsen am useggas iεeddan. Akayad-a, ad yili gar 16/03/2017 alama d 01/04/2017. Ma d akayad n taggara n uswir amenzu 5e n useggas aɣurbiz 2016 / 2017, ad t-sεeddin yinelmaden deg yiɣerbazen-nsen anida qqaren, mebla ma rzan ɣer yiɣerbazen-niḍen, am wakken xeddmen deg yiseggas yezrin.
Adaoun Abdelghani