Ddurt iɛeddan i yekcem ucennay ameqqran n teqbaylit, Taleb Tahar, ɣer ṣbiter n Tizi Uzzu, anda i t-mazal ar ass-a. Mebɛed mi yehlek aṭas n ssker acḥal d aseggas-aya, aṭas-a, yessekker-as-d lehlak-nniḍen : lehlak n wallen. Yebda usekkud n ucennay, la ineqqes ciṭ, ciṭ, d ayen i t-yessawḍen ad yekcem ɣer sbiter i wakken ad idawi allen-is. Xas akken lehlak-is mačči d ayen isehlen, meɛna mi yettwali wid i d-yerzan ɣur-s, ittanqas-asen uxemmen. Yenna-as Matoub :’’mi yesla ttewdeɣ, yenna-yi ad ssuɣeɣ, ad ak-d-naɣ leɛmer.’’ Ayen yessewhamen deg unaẓur-a, xas akken yehlek u daxel n sbiter i yella, maca iruḥ s Iɛezzugen yeḥder i tejmilt i as-yuɣalen i ucennay-nniḍen : Arezki Moussaoui. Daymi qqaren : ‘’win yebɣan, yeqqar amek, mačči ulamek !’’ Aya, yerna ccan akked lɛezz ɣer ucennay Taleb Rabah iwumi nessaram asejji s lɛejlan, mazal teḥwaǧ-it Teqbaylit, mazal ad d-yefk i tezlit taqbaylit. Tjmilt tameqqrant i twacult-is i yellan ɣer yides-is acḥal-aya tura, ladɣa tameṭṭut-is i nettaf yal tikkelt ɣer ɣur-s.
