Deg yiwen wulɣu i d-terra tuddsa n “OMS», ilmend n wass agraɣlan i useḥbiber seg tmenɣiwt n yimdanen i yiman-nsen ass n 10 ctember, d akken amḍan n wid yettaken lmut i yiman-nsen yewweḍ ar wazal n umelyun(1000 000) deg umaḍal yal aseggas. S wakka ihi, amḍan-a yuɣal yemtawa d win n yimdanen i yettematen deg lgira neɣ ulama azal n wayen yettematen ttwanɣan deg tlufa-nniḍen. Rnu ar waya, amḍan n wid iɛerḍen ur ssawḍen ara ad nɣen iman-sen akk d wid d-tezger tikti n tmenɣiwt i yiman-nsen terna 20 tikkal amḍan n wid ineqqen iman-nsen, deg umaḍal. Tuddsa n “OMS», deg tezrawt-a id tessufeɣ, ur d-terra ara ugar ɣef tmenṭal (ssebat) n tmenɣiwt-a, terna-d kan tessegzi-d belli taluft-a d tin iḥuzan akk timura n ddunit, tennul ugar ilmezyen d yimeɣren yefflen 75 iseggasen.
Samir At Buɛza