Ass n tlata yezrin llant-d tezrawin n magister di tesdawit n bgayet, gar-asent tin n Noreddine Bellal. , di tmeddit n wass-nni n tlata, tbegges massa Lynda Merabet Ouatah i tezrawt n nnig turagt (magister) sdat Mohand Akli Haddadou (Amasdawan, tasdawit n Tizi-wezzu), Kamal Bouamara (Aasdawan, tasdawit n Bgayet), Mhammed Djellaoui( bab n usarag A, tasdawit n Tubiret) d Allaou Rabehi (bab n usarag B, tasdawit n Bgayet). Tazrawt terza tasleṭ tasnetlant deg tmedyezt tamirant n tmurt n Leqbayel, tin yekkin deg taggayt n tsekla timaweyt yettwalɣen. Iswi-ines agejdan d tazrewt n yiwen n usentel d amqatan, win n tmettant d usirem, deg yiwen n wammud n yisefra d ummid, yessaẓreg-it Lwennas Meɛtub, amedyaz-acennay mechuren n tallit tamirant, mi yella yedder, deg tisfifin n ccna gar useggas 1978 akked useggas 1998. Tarrayt i neḍfer deg-s d tin n tesnetlant akken i tt-id-yessegza Michel Collot, i d-yugmen seg tektiwin n J. – Pierre Richard. D tarrayt i yellan d tucrikt, teṭṭef-d seg tesnilest d tesnetlant, yerna tres ɣef wakaz asnuman i tettsemmid tesleṭ taḍrisant akked tikli tiẓrimsukant. Ad ner lwelha belli segmi d-tebda ameslay ɣef tezrawt-is, ur “d-teciḍ” massa Lynda Merabet Ouatah s wawal n tutlayin tiberraniyin. Dayen dɣa i yeǧǧan mass Haddadou yernna-as: “vous m’avez épuisé (tesseɛyaḍ-iyi) !” Sebba n “vous m’avez épuisé !” d amawal ajentaḍ yuzlen deg yiles n tselmadt Lynda. Awalen-agi ur risen ara deg wallaɣ n kra n yiselmaden, imi ara ass-a n wussan yal wa “yettmawal” ɣer yiciw-is.
Ahat taluft-agi ad taf tifrat s les symposiums n HCA !
S.O.A