Yuγal deg ussan-agi, awal iceγben imezdaγ izzayriyen d tarbaεt taγelnawt n ddabex uḍar ! Ama d ilmeẓẓyen, irgazen, igerdan, imγaren, inelmaden ula d tiḥdayin d tlawin. Dγa mi akken terbeḥ akked la côte d’ivoire, yuγal win u γur tneṭṭqeḍ ad ak-d-yehḍer γef Lezzayer ; amyurar-agi ur ileεεeb ara, Cawci ur yettεassa ara. Xas akken sferḥen-aneγ-d lamεna inelmaden uγalen ğğan leqraya-nsen. Dγa lukan ad d-nuγal γer uγilif-agi n leqraya, ad naf belli ččuren d uguren, la grève tegguma ad teḥbes, aneγlaf n leqraya Ben Buzid ur d-yufi ara lḥel i temsalt-agi, uguren la ttkemmilen, yezmer ad taweḍ temsalt-agi alamma d l’année blanche. Akken teẓram belli suẓen-d azemz n usεeddi n le BAC γef lğal n teqbuct n ddunit, akka nezmer ad d-nin belli d tarbaεt taγelnawt iwumi gan ccan γef yinelmaden. Akken ttwaliγ,; aseggas iruḥ d tawaγit. Daγen walaγ belli les voyages-nni n baṭel γer Ssudan mačči baṭel imi rnan i kulec ssuma, ṭumaṭic tuffeg, ugad Rebbi ṭumaṭic 150 DA ! d ssuma n kilu n uyaziḍ. Nezmer ad d-nin ddula tessedha-aneγ,; syin texdem nneḍr-is, ilaq ad nfaq akk i wanect-a. D tidet tarbaεt taγelnawt tessferḥ-aneγ,; tekkes-aneγ cwiṭ n lhem, lamaεna ur ilaq ara ad nerr tarbaεt taγelnawt d tamezzwarut, ma d uguren-nneγ ad ten-neğğ γer rrif.
Benziane Massinissa,
(aγerbaz alemmas n Tala Σetman, Tizi Wezzu )