Yewweḍ tura useggas ɣef isenfar-agi n tmaziɣt. Asmi akken d-lulen, di Yennayer 2009, aṭas i as-yennan : « awah ur yettaṭaf ara setta wagguren! ». Wid iyettmujguren akka, ur sinen ara ad arun ula d ismawen-nnsen s teqbaylit : d imaziɣen n ukursi d usurdi ! Neṭṭef aseggas u mazal lxir ar zdat s tɣennant n wid i iḥemlen tamaziɣt!
Aseggas d ddeqs i tutlayt yemmenṭren acḥal d lqern di timawit. D ddeqs i tutlayt i, ar ass-a n wussan, mazal yezzi-yas usurdi s weɛrur. D ddeqs i tutlayt i yerẓan tawwurt n uɣerbaz azzayri, milmi kan…
Si tama nniḍen, aseggas drus, i tutlayt yegullen : « jmaɛ liman, ma ulac tamaziɣt, ulac, ulac… ! »
Aseggas drus i tutlayt yessuṭḍen Mammeri, Matoub, Bacha, Feraoun, les Amrouche, Bélaid At Ali, Rachid Aliche… d wiyaḍ.
Aseggas drus i tutlayt iten-yesɛan deg udrar d uẓaɣar.
Aseggas… ameggaz i uɣmis n yimaziɣen !
Aseggas ameggaz i… Djamal, M’henna, Smail,Fatima, Hamid, Abdellah, Arab, Dalila, Brahim, Islam, Djamila, Amastan, Chahrazad, Hocine, Mokrane, Nadia… d wid d tid akk yettekin di tudert n yisebtar-agi n tmaziɣt !!
T. O. A