Lexmis yezrin tella-d tulya tunṣibt n wannar n waddal Qasi Ali deg tɣiwant n Draɛ Ben Xedda i d-yezgan deg umalu n lwilaya n Tizi Wezzu. Annar-a i rǧan imezdaɣ, ladɣa ilmeẓyen, s cuq d ameqran d win yettwaxedmen s gazon synthétique . Ad ner tamawt belli setta n wannaren n waddal s tawil-a gazon synthétique d wid deg teddun lecɣal deg tamiwin yemxallafen n lwilaya. Gar isenfaren-a, annar n tɣiwant n Iɛẓugen i deg wweḍen lecɣal ar taggara nsen, u yetturaǧu tulya-ines deg kra n wussan zdat neɣ. Aya deg lawan tikubbaniyin d tid iseddun lecɣal deg tɣiwanin n Iɛkuren, Iflissen, Aẓfun, Tizi Raced, At Duala d Buɣni.
Dalila.I