Acuddu n tmanya n tɣiwanin n ugafa n lwilaya n Tizi Wezzu d tin ara d-yilin deg 27 dujember i-d iteddun. Aya d ayen i d-ynna lewali n Tizi wezzu, mass Abdeqad Buazɣi deg tirza-ines ɣer tɣiwant n Bujimaɛ deg ddurt yezrin anida, dɣa i yessefqed lecɣal n usenfar-a. Ad ner tamawt belli asenfar-a i deg yella uɛṭṭel meqren ibedd deg useggas n 2010 u yesqam-d azal n 3.3 imelyaren idinaren. S wakka imezdaɣ n emnaḍt-a n lwilaya ad yekfu fell-asen umaret ideg ttidiren nnig n 20 n yiseggasen-aya, ama d anebdu ama d cetewa . Azal n 160 000 imezdaɣ n 214 n tudrin yebḍan ɣef tɣiwanin n Mizrana, Tigzirt, Azefun, At Caffaɛ, Iflisen, Makuda, Bujimaɛ, Freḥa dTimizar, d wid ara d-yesfayeddin s 21000m3 n waman yal ass. Ad nar tamawet belli aɣbel n waman d win ig ɛweqen ddeqs n isenfaren deg tama-a n lwilaya ladɣa tamarit, imi yal asseggas imariyen d wid i iregelen s sebba-a maqbel tagara n unebddu.
Dalila I.