Di Temdint
Muḥnd deg imi yufa d acu ara yečč yeṭṭes iɣder-it yiḍes Alami i d yufa
d azal imdanen kkaten ttεeddayen yekker fella-s iruḥ ad inadi i xeddi awi-d kan ad yexdem. S kra n wanida yesteqsa yufa uɣalent-d twwura kra yekka wass d netta yessuk-it d amenṭer af ixeddim yeɣli-d yiḍ, netta ur nessin tamdint ur yeẓri anida ara yer yewwi yiwet n tezniqt kra kan banen-as-d kra qqimen d agraw, skud netta i teddu yiwen seg ugraw-nni yezdi-d lqedd-is ḥbsent-id
1) : a Muḥ iyya, iyya
Muḥend: yefka taḍatt (yugad, sɣament ger-asen)
2) Tbaneḍ, waqila d amaynut ɣer da
Muḥend: (s uqerruy-is) ih
3): D acu i txeddmeḍ?
Muḥend: Ur xeddmeɣ ara
01: Ad txedmeḍ?
Muḥend: Wwah! d acu ara xedmeɣ ?
01: Akka am nekkni
Muḥend: D acuken kunwi?
3): Ah! wa d asteqsi igerzen d acu yaɣ nekkni, ih bɣiɣ ad iyi-d-inim d acu-yaɣ nekni ?
ih! d acu-yaɣ nekkni ih (s zzεaf ini-t-iyi-d) ?
01: Ah ur tmesxir ara
3): Tessneḍ-iyi tmesxireɣ, ih d acu-yaɣ?
01: Ur teẓriḍ ara?
01: Ccet, kečč belleε
2): tagi d tajḍiṭ
01: D tajḍiṭ neɣ d taqdimt ala k qqareɣ belleε (sleεyaḍ)
01: (i muḥend) ruḥ attruḥeḍ
01: Ad i ruḥ (i Muḥnd) aha ṭra ekker ad ak ssekneɣ
2) :Ekker fella-k i ag-d nniɣ ruḥ
Muḥend iga akka ad yekker yemmeɣ-d
fell-as u 1 wis 3 yemmeɣ iwet am 1 iɣḍel-it 1 ijebed-d lmus dɣa mlethan degay-ger-asen Muḥend yenna a yemma ha i yeεlayen d iḍarren yerwel) .
Yewweḍ ɣer kra n tezribt i
mugger-d aydi ayen i-as-ǧǧan wida yerna-yas-t netta yettazal aydi deffir-s amek ara yexdem yuli ɣef ṭṭejra
aydi i tezzi netta s ufella yeqqim. Ih
yufatt-id! Anida ara yeṭṭes ulac, yufa-tt d lemziya yeqqim din. Kra kan atan iεedda-d yiwen s quqqrent-id
Kra kan ataya yiwen uderwic i etddu yettεeggiḍ
1) Anfet-as anfet-as am ass-a at id nḥir, ala idurar ur nettemlili y ara
01: Yella kra i ag-d-yefka neɣ ulac?
2) Ulac, ih ilul-d iḍelli ad yurar s dadda-s, azekka anda yella at-id ssaliɣ deg igenni at-id sserseɣ ad yalui anida yebɣu yili.
Muḥend yerra d innefs essmeḥsis kan
alami i ruḥen, yegr-d nnehta ataya yiwen uderwic nniḍen :ayya berra berra, taḥya berra berra berra tirekkabin, aya berra tirkaḥin ber ber, teččam ah! Tuɣalem d ibabbasen ah! attxelsem, attxelsem, attxelsem ih yerna d tidett ayen ur teččim awer lemziya-nnwen ayya berra taḥya berra berra
Muḥend: Yessusem
Yeεweq ad iḍes neɣ yuili wass yuɣal ɣer uqelleb ɣef ixeddim am ass iεeddan ulac i teddu rrif rrif n lebḥer yeqqim yettxemmim ad iqqim neɣ ad yuɣal kra kan tbedded ɣer ɣur-s yiwet n tmattart twehha-d ma yella kra ara as ifekk
Muḥend: Ih d acu ara tawiv a lmut deg uxxam ilem
Zeǧǧiga: Fek-iyi-d axxi alef i wudem n Rebbi
Muḥend: Aniwa ara kem-yafen d alef ad isu lqahwa
Zeǧǧiga: Sadaqa
Muḥend: Ih! Kem meqqar tessutureḍ wamma nekk d tazmart id-iyi-tt-yekksen
Zeǧǧiga: Ilemẓi akka am kečč ula d alef ih ay
irgazen a tifeɣwa
Muḥend: I kemmi ur tessetḥaḍ ara, ur tesεiḍ ara imawlan?
Zeǧǧiga: Limer i ɣur-i uimawlan tilfi uli d iyi-d-yawin ɣer-da uli i d iyi-d-yessiwḍen ɣer annecta
Muḥend: (iyiman-is) Win mi yeddren yettru, win mi yemmuten yettru
Zeǧǧiga: Awi-d kan ad ilin awi-d ad iyi-ssrun
Muḥend: I tura ttidet aya i d teqqareḍ?
Zeǧǧiga: Aḥeqq ssellaḥ n tmurt-nneɣ wamma
tamurt-a waqila hujren-tt ma zeggdeɣ-ak-d ma sneqqseɣ ar d ayen yellan
Muḥend: Amek alami i am teḍra?
Zeǧǧiga: iwacu asteqqsi ad iyi-d xeḍbeḍ?
Muêend: Bɣiɣ kan ad waliɣ daya! yerna akken id iyi-d-tettbaneḍ welleh; welleh ma tuklaleḍ
Zeǧǧiga: waqila εǧebeɣ-ak; ula d kečč akka id-iyi-tettbaneḍ welleh ma tuklaleḍ ula d alef ur tesεiḍ tazmart, iɣallen anect
Muḥend: Tazmart ma wer-as teččiḍ nnfeε uli wacu-tt
Zeǧǧiga: Aha susem ay akka telliḍ tenḥeggafeḍ i d yeqqimen a nekk neɣ ay ameεdur
Muḥend: Anef ihi ahat akka i aɣ yura tiḥqa ma ulac fella-s wi akem yilan?
Zeǧǧiga: Nekk ur baneɣ anisi-yi
Muḥend: Ihi ulac win i tt-yufan amkem
Zeǧǧiga: Aḥlil lḥif n imawlan arnu inebran ur tt-tezgil
Muḥend: Tzewǧḍ, tennebrad mebla imawlan-iw atmaten-im?
Zeǧǧiga: Ur tufiḍ win i yesεiɣ ala Rebbi ula d netta waqila (steɣfir llah) yettu-yaɣ. ih ɣef udem n Rabaḥ uɣaleɣ di ssuyaḥ
Muḥend: I Rabeḥ-a d acu-t?
Zeǧǧiga: Assen i nemyeḥmal nemεahad nenna targit ad teffeɣ ur uḥtameɣ, ur yuḥtam alammi i aɣ bḍan yerna d baba i d sebba awer yettwarḥem
Muḥend: yefka-kem bessif i Rabaḥ
Zeǧǧiga: i wayeḍ awer afen ass amellal i sin yidsen
Asmekti
Ass n usensi
Axxam yecččur d imeεraḍen, ttameɣra urar ilewlawen Zeǧǧiga tuker imani-s ɣer ṭṭaq tettmeslay d Rabaḥ tettru
Rabaḥ: Ur tufiḍ ara d-gen imeṭṭawen i wulawen yettubaẓren
Zeǧǧiga: D bessif, wama nekk ugiɣ
Rabaḥ: tugiḍ neɣ ur tugiḍ awal d awal-is ṛṛay d ṛṛray-is
Zeǧǧiga: Iyaɣ ad nedεu akken id iyi-d yebru ahat ad aɣ-d-yeqbel Rebbi
Rabaḥ: Ur deεεu ur tettru Rebbi yeẓra-d ulawen, Fiḥel ara d bedren yilesawen d acu i tenniḍ ad nerwel
Zeǧǧiga: Ah a rabaḥ ur k nwiɣ ara akka
Rabaḥ: Ala aya i aɣ-d-yeqqimen akken tebɣu teffeɣ ad nruḥ anida ur d nettuɣal
Zeǧǧiga: Atan waqila yeffeɣ-ik leεqel i wawal ara d neǧǧ ɣer defir! i yimawlan-nneɣ?
Rabaḥ: Awal, awal, iwakka ulac awal?
Zeǧǧiga: Mačči ala nekkni imi teḍra, yerna tarewla ur tettfakka y ara bab-is
Rabaḥ: Ihi kra id nedda d wayen i nenna akk d
tikerkas
Zeǧǧiga: Twalaḍ, attan txatemt-iw awi-tt iw uvad ik qqen-itt tin ara taɣeḍ am nekk ḥseb-itt cffu ur tettu tayri deg ul iw tẓẓḍd-tt. ɣas lǧesa Tedda ɣer wayeḍ am lehna tarwiḥt-iw tessiḍ-tt
Rabeḥ: Ula d nekk atah wezrar-iw qqen-it azrar amrar luva adrar ɣas wida fernen tisɣar tayri-nneɣ ad as neḥder am ass-a ahat a nemmẓer
Zeooiga: Ur umineɣ!d ayen ur tettamneḍ ad yeḍru
Teṭṭal ɣer igenni) a Rebbi ur k nɣaḍ ara?
Mueḥnd: Tta i ttudert i nedder
Zeǧǧiga: Limer id iyi-d yefki d aqcic.ur tufiḍ ig weεren
Muḥend: Aqel-i zzatem ugareɣ
Zeǧǧiga: Kečč aqel-ak am wefrux n lεec wama nekk Saḥeɣ ayeddic n tasa
Muḥend: Yella win in teǧǧiḍ?
Zeǧǧiga: Rabaḥ-iw εzizen am tasa wissen amek i as teḍra, maca anef akken yebɣu yili lebɣi-w wwḍeɣ-t ma d netta ad yeɣli ad yekker, ad illaẓ ad yerwu ad iles ad yeεri, maca d aqcic ad yekker, ad yimqur ad yissin (am tin yebbehban)
Muêend: Rabeḥ-a,d mmi-m neɣ d argaz-im?
Zeǧǧiga: Yesdukiletent, d mmi d isem n win
Izedɣen ul-iw. seg assen id-iyi fkan ddiɣ ttislit netta yeffeɣ di taddart, ih netta meqqar yerra s uqerruy-i, Rebbi yeẓra mačči d nek i d sebba d baba awer d as yeεfu awer tirḥem ih ad ig Rebbi iɣessan-is d itmes assen i refdeɣ s tadist εudeɣ Rebbi ma d aqcic ala s yisem-is ur d as semmaɣ akken nnan nutni qqeden-iyi deg uɣyul nekk at neqqdeɣ di tbarda
Muḥend: Alami ttura i fehmeɣ
Zeǧǧiga: S yin akin mi ifaq winna akken yuɣen ih! id-iyi-zenzen yusem iveqqer-iyi-d, yusem qaḥqenečč lammer yessin d acu i ttismin tilli imi tugiɣ ad-iyi wexxer
Muḥend: Yeẓra belli temyeḥmalem kem d Rabaḥ?
Zeǧǧiga: Yiwen wezrib iwala, s kra yellan iwala-t maca iεemmed
Muḥend: Aziṛ aṭas i yeḍran yid-m
Zeǧǧiga: Akka ur mniεeɣ ara, abrid ur i reḥem ara ttlussuɣ akka akken ad veqqreɣ tiṭ fell-i. Ggten wid ur nefhim ara akka ttemiṭareɣ wala ad iḍes yiwen fell-i alama ufiɣ-d Rabaḥ, neɣ yufa-yi-d.
Akli outamazirt
yettkemmil