Ɣas akken adfel n furar yezrin d win i d- yesseglan s truẓi n wazal n 50% n tzemrin deg tamiwin yemxallafen Tizi wezzu, d times yeččan azal n 700 ihegṭaren n uzemmur, lɣella n useggas-a d tin yelhan. Aya, d ayen i d- nnan yimḍebren n uḥric n tfellaḥt n lwilaya, imi yetturaju ad taweḍ lɣella ɣer 400 000 iqenṭaren, imi deg useggas yezrin tewweḍ kan ɣer 180 000 n yiqenṭaren. Alqaḍ n uzemmur d win yebdan sin ledwar aya, d ayen yessawḍen ɣer ujmeɛ n 9700 iqenṭaren. D acu kan, di kra n tamiwin n tmurt n leqbayel yecban Buzeggan d At Wagnun, lɣella d tin ixuṣṣen kra imi aṭas n tzemrin i tḥuza tmes deg unebdu yezrin. Ma deg tamiwin nniḍen am Dreɛ Lmizan d wayen i as-d-yezzin, lɣella tezmer ad taweḍ gar 25 d 30n y iqenṭaren i yiwen uhigṭar.S wakka, tezmer ad d-tṣub ssuma n zzit yellan akka tura s 700 n yidinaren.
Dalila.I