Aγarbaz n tẓuriwin icebḥen n tγiwant n Yiεeẓẓugen, yesudes-d durt-agi yezrin yiwen n leqdic s wazal-is, wagi d rreḥba tis 03 n usalu n tamiwin n taklut i warrac imecṭaḥ, s usentel « Tayri n Tmurt », i yebdan ass n 17 ctumbir 2012, anda yedda s teγzi n 04 n wussan.
Ahil i ittewjarden γef dema d amarkanti, anda i tella temzikent n leqdic ufus d taklut i xedmen warac imecṭaḥ, akken i d-yella daγen usarag n unaẓur mass Aziz DJAOUTI γef lfayda n taklut i warrac imecṭaḥ, syen yexdem leqdic uselmed n taklut « Atelier Workshop », anda i d-ussan deqs n tdukliwin i yukkan deg leqdic-agi, amedya, tidukla tadelsant n taddart afir taγiwant n Bujima, i yukkan deg temzizla n taklut.
Akken daγen i xedmen warrac-agi imecṭaḥ akk d yemḍebren uγarbaz n tẓuriwin icebḥen yiwet n tufγa γer wexxam n yedles n Lmulud At Mεemmar anda i yukkan di tejmilt i yuγallen i unaẓur n ccna n teqbaylit mass Lewnin At Mengellat.
Dγa, ass n 20 cṭumbir sullin leqdic n rreḥba-agi tis 03 n taklut, anda i d-tella tikci n warazen i warrac i d-yufraren deg temzizla n taklut, akken daγen ffkan igardasen usebγes i wid akk yukkan deg leqdic-agi.
Iswi n tmesbanit-agi d tikci n tegnatin yelhan i warrac imecṭaḥ, akken ad isinen d acu i taklut. Leqdic iεedda akken iwata lḥal u di tegnatin yelhan
Islam Bessaci