L’Algérie au carrefour d yiwen udlis i yuran warraw n IMACHE Amar. Deg udlis-a jemεen-d amur ameqqran n yiḍris i yura baba-tsen deg yiseggasen n 1937, 1939 akked 1940. Zyada γef wanect-a, rnan-d kra n yimagraden yura deg uγmis ‘’EL UMMA’’ i d-yefγen gar 1934 d 1936. Deg yiwen n usarag i xedmen watmaten IMACHE i lmend n rreḥba tis xemsa n udlis, smektan-d amecwar n urgaz-a d wayen yellan daxel n udlis i yuran. Amar IMACHE yella gar yimeγnasen imezwura n (Etoile Nord-Africaine). Di tazwara n useggas 1930 yuγal d imḍebber wis 2 n tuddsa-a deffir n MESSALI. Wid i t-yessnen, nnan-d d netta i d ababat n umussu aγelnaw. Meεna ayen yessewhamen, εlaḥsab n warraw-is d wid i t-yessnen, d amek yiwen urgaz am wa ur d-mmeslayen ara fell-as ? Ulac-it deg umezruy ? Adlis : L’Algérie au carrefour : la marche vers l’inconnu. Yeffeγ-d deg tezrigin L’Odyssée. 2012. Tazwart sγur Benjamin STORA. Azal 450 DA
Hocine. M