Ssud n Lḥed( Timizart. Dayra n Wegenun). Ssuq n Lḥed yellan d tamanaɣt n tɣiwant n Timizart ( deg At Jennad) tettwehmel d isaggasen aya. Iberden-is ssan d- iḍuman akked yixmir di cetwa, tizenqatin-is rwant aɣebar yessaffag waḍḍu deg unebu uɣalen d tanumi. Yiwen ur d yeclig deg yir udem deg tella tamnaḍt-agi. Anda ma muqlent wallen, ala rreks akked d ilefḍen i d-yettmager yiẓri. Leǧemɛa-agi yezrin, kren yelmeẓyen n Ssuq n Lḥed s cwer n ṛay-nsen akken ad ksen kra n uɣilif fell-as. Ilmeẓyen-agi, deg tuget deg-sen ur yettɛedi ara leɛmer –nsen 15/ 16 n iseggasen, begsen akken ad ksen iḍuman yettcemiten tamdint-agi. Aredmani tabɣest n lebɣi-nsen akked d ifaden tekeseb ṣṣura –nsen , mebɣir ma sutren lemɛewna sɣur yiwen, begsen i leqdic meqren yellan d iseɣ, fersen iberden, serɣen afarsen( a beɛda deffir lḥara deg zedɣen iselmaden n uɣerbaz n watmaten Ziyan) u ṣawḍen deg yiwen wass as bedlen kra di ṣṣifa n Ssuq n Lḥed . Arrac-agi iɛewlen kan ɣef yiman-nsen serssen amur n tezdeg akked d sser. Mi nestqesa ilmeẓyen- agi ɣef acu iten-ismendgen akken as qqimen i tadyant agi , yenna yiwen seg-sen : « ma nurǧa-ken kunwi s yimeqranen, adfel ad yecfu i wayeḍ yerna kra ur yettbedil. Nekni neḥwaj amdiq n tezdeg ma d kunwi tebra-m i leqrar, tserḥem i ṭbel deg aman. »D tagi i d -tamsirt id aɣ d fken warraw –nneɣ amer tiɣri-nsen ad tteweḍ imezuɣen n yimdebren imaynuten yellan ɣef uqeru n tɣiwant. Tajmilit-nwen ay arrac !
Ait Slimane Hamid