Ssutren imawlan n wakal n ubaraǧ n ssuq tlata i d-yezgan di tɣiwant n Tedmayt, i ibeɛden ɣef lwilaya n Tizi Wezu, s wazal n 20n yikilumitren, seg uneɣlaf n lɣella n waman iwakken ad d-yessekcem iman-is s uceyyeɛ n tesqamut ara yettukelfen s unadi deg wayen yeɛnan lḥeq I asen yettwakksen mbɛed mi yekcem cci-nsen di lecɣal n lebni n ubaraǧ, anda I d-ufan yineggura-agi d akken yettwahettem fell-asen ad ffɣen seg wakal I asen-d-ǧǧan lejdud -nsen, anda bnan ixxamen , xedmen tafellaḥt&hellip,;mebla ma yettunefk-asen ɣef wannect-a tedrimt iwatan iwakken ad izmiren ad idiren anda nniḍen. ɣef temsalt-agi, yenna-d win yettmeslayen s yisem n yimezdaɣ n tmenaḍt-agi, dakken tadrimt ara sen-yettunefken ama di lebdel n wakal, tizemrin neɣ n yixxamen drus maḍi ma nmuqel ɣer wazal tesɛa trika-agi n lejdud di tudert n twaculin d yimdanen i d-yekkren dinna. Tiɣri i d-yettunefken s ɣur yimezdaɣ tella-d mi d-ufan d akken yella-d ustehzi d wurar di lqidar n tedrimt i ilaqen ad awin d leɣrama ɣef cci-nni I asen-yettwakkesen,
Malika Kebaili