Ttidirent aṭas n tudrin n lwilaya n Tizi uzu ɣef teɣzi n wussan-agi n ccetwa, deg uɣbel n unegzum n trisiti, i d-igellun s lexsara meqqren i twaculin deg safaren yemgaraden i saxdament s wallal-agi i yesεan azal d ameqqran di tudert n umdan, ladɣa di tudrin n tmurt n leqbayel anda mazal asafar n legaz n temdint ur yufi abrid ɣer dina, ayen yeǧǧan imezdaɣ ad s-ṭuqqten asexdem n ttawil n terisiti ama i usewwi ama i useḥmu deg ussan n tegrest d ugeffur, maca ula d aneggaru -agi ttwaḥermen seg-s s sseba n ungzum i d-yettilin yal mi ara d-yeɣli cwiṭ n ugeffur neɣ cwiṭ n waḍu xas ur yejhid ara, d ayen i d-ixelqen urfan d leɣiḍ deg ulawen n yemdanen yennul uɣbel-agi, am d imezdeɣ n At Saεada i d-yezgan di tɣiwant n Tadmait akked taddart n At Saεada niḍen i d-yezgan di tɣiwant n Yiεtafen deg udrar n udfel, anda teɣimin ledwar s timad-nsent, ttwaεzlent ɣef temnaḍin niḍen n Tizi uzu, uggur-agi maci d amynut ɣef yemdanen n tudrin n lwilaya n Tizi Uzu, imi d win yezgan yerna yettzid ama di lawan n tegrest neɣ anebdu, ɣef waya yettaḥttem ɣef imḍebbren teεna temsalt iwakken ad s-jahden wa ad senarnin asafar-agi i teḥwijin yemdanen, zyada ɣef aya asuturen imezdaɣ aεiwid n lexyuḍ n trisiti i iɣalen d iqdimen imi iεedda fell-asen uzaylal ugrand hcicit, cwiṭ n waḍu kan yezmer ad ten-yebḍu ɣef sin .
Malika Kebaili