Ussan-agi yezrin, iɣallen n usellek n Tubiret rzan s Aswel anda i qqimen kra wussan. Mačči iwakken ad sgunfen maca deg yiwet n tirza s wazal-is. Imi amkan-agi yettwassen s yiwen n wanu lqayen mačči d kra, kkren yiɛeggalen-agi n usellek iwakken ad subben daxel n wanu-agi alamma d anda izemren. Aya, d « iluɣma » ammar ahat ad d-tas teswiɛt anda iɣallen-agi ilaq-asen ad d-selken tirwiḥin deg yimukan yecban wigi.
Di sin n wussan imezwura, ssawḍen yiɣallen-agi ad subben azal n 300 n lmitrat ddaw tmurt. Γas akken semmeḍ umkan-agi, imdanen-agi kemmlen di ccɣel-nsen, nnan-d : « Ilaq ad nessiweḍ alamma d 800 n lmitrat ddaw tmurt. Imi, ulac kra i aɣ-ixussen iwakken ur nettili ara am yiɣallen n usellek n tmura tiberraniyin. »
M. Smail