Yal aseggas mi ara d-yaweḍ 14 deg furar, tettbeddil temdint n Tizi Uzzu udem : ad tt-tafeḍ teččur s yilmeẓẓyen d tlemẓiyin. Yal tardast ad temmagreḍ aqcic d teqcict myeḥnacen, deg yifassen nsen tiseğğigin : d tafsut deg yir lawan. Acu-tt teḍsa-nni, acu-t zzin-nni n leqbayel. S wakken i ttserriḥen i yiman nsen (jbed kan), tikwal ad as-tiniḍ ma dγa di tmurt ay lliγ mačči akkin i lebḥar. Yufa useğğig lemtel-is, xersum yiwen wass !!!
Meεna aseggas-a, wissen d acu akka yeḍran ? S wacu akka i yemxalaf γef yilindi ? Σni tekfa tayri deg Tizi ? Ass-nni n Saint Valentin, ur mlalen ara yilmeẓẓyen akked tlemẓyin, ur nwala ara tiseğğigin, ur d-tusi ara γer ttiεad tefsut-nni. Deg yiberdan, d wid-nni n yal ass swayes ččuren, ṭṭaqa d imγaren akked temγarin ; meεna yal wa weḥ-s
Iḥqa, yexdem Mekhlouf tameγra, ad tafeḍ fkan akk asiher γer din.
Hocine. M