Tajmilt i umeγras Σli Belqasmi

Partager

Asalay n yimjuhad n Tizi Uzzu I d-yezgan deg tama n Mduḥa, mazal yettkemmil deg usekfel n yimeγrasen n Lwilya tis 3 tamazrayt ; am waken I d-yella, daγen, d asmekti n uzgen n lqarn γef timunent n tmurt n Lezzayer.  Tikkelt-agi tajmilt, tuγal  i umeγras  “Σli Belqasmi’’ anda i     necden   snat n twaculin: tawacult-is (tameṭṭut-is…) d twacult  tagrawliwt. Awal yella-d sγur anemhal n usalay  i yeran tajmilt  i umeγras d wazal n unadi γef  wid yeγlin  γef  tlelli n tmurt . Σli Belqasmi neγ “Σli buxalfa “ ,”charlou” akken I as-ssawalen yimeddukal-is n umennu&gamma,; d win ilullen deg 6 deg γuct 1929 deg taddart n Buxalfa , yella seg wid yeγran imi yekcem s aγerbaz anda I d- yewwi agerdas n uγerbaz amezwaru, deg taggara n yiseggasen n 40 ixeddem deg sbiṭer  n Tizi Uzzu maca leḥmala  d lḥir  γef   tmurt  yerfed leslaḥ mgal acengu afransis. Yella seg yimezwura i ixedmen tixazzabiyin mgal ifesnayen d imsulta ifransisen deg temdint n Tizi Uzzu;  ikemmel ajahed γef tmurt armi d asmi yettwanγa deg udrar n Yiḥesnawen akked d waṭas n yimeddukal-is gar-asen imeḍebber nsen “Aḥmed Laεmali “ deg wass n 6 deg γuct 1957. Deg taggara wid i d-yerzan,  id- yemmeslayen nnan-d akk azal n unadi γef umezruy ladγa tasuta n tura.                                                                                                              

D.said lhadj

Partager