Adfel i d-iγellin s waṭas di temnaḍin yemgaraden n tmurt n leqbayel am temnaḍt n Wizgan d tγiwanin i tt-yetabaεen am At-Zikki, Idjer d illoula Oumalou igellu-d tikwal s deqs nwugguren d lexṣarat. Amedya, adfel id-yeγlin deg seggas yezrin 2012 d win id-yeglan s lemḍara meqren, imi adfel yella anda yewwet s nnig n snat n lmitrat am tγiwant n At-Zikki, dγa imezdaγ n tudrin-is ttewεezlen s teγzi n 15 n wussan, sebba n yibardan i regglen. Ugguren niḍen swayes i d-igellu wedfel-agi d-aγelluy n waṭas n yexxamen, ger-asen iqdimen d imaynuten,aγelluy n lkuriyat anda ittrebbin lmal, lesyax yewten deg kra n yimukan, aclax n tjjur uzemmur, aγelluy n ukarmus, agzam n kra n yibardan d waṭas niḍen Maca, uggur meqqren swayes i d-yegla wedfel-agi d-aγelluy n ddeqs n yiγerbazen deg dayra n Wizgan. Tazwara d aγarbaz amezwaru n taddart n At-Yexlex iwmi yedrem sqqef akk d yiwet n tmezduγt yettabaεen aγarbaz-agi i yellan d aγarbaz amezwaru n temnaḍt n Wizgan i yettwabnan deg seggas n 1896, dγa imezdaγ n taddart-agi sḥasfen aṭas γef lexṣara-agi, syen sutren deg yemḍebren tennul talluft akken a d-gren imman-nsen i uṣeggem n uγarbaz-agi s laεjel imi wagi d aẓamul u d amezruy n temnaḍt-agi. Akken daγen i d-yegla s uγelluy n uγerbaz alemmas n tγiwant n At-Zikki, yedrem s wadda, mebla ma nettu aγelluy n sqqef n uγerbaz alemmas n taddart n mezggen akk d sqqef n uγerbaz amezwaru n taddart Aggousim n tγiwant n illoula oumalou. Ula d taγiwant n idjer u tt-yezggel-ara wedfel-agi imi yeγli yiwen n sqqef n uγerbaz amezwaru n taddart At-Σica, d waṭas n yiγerbazen niḍen. Ihi annect-a merra ixlaq-d yiwen n wuggur meqqren deg weḥric n ttrebga, imi ar-tura deqs n yinelmaden i yeqqaren di yir tignatin am yinelmaden n tγiwant At-zikki, anda aγarbaz alemmas n tγiwant-agi yedrem, maca ar ass-a mazal ur d-yella ara uεiwed n lebni-s, dγa dayen i degren imḍebren n tγiwant n At-Zikki d yemḍebren n waḥric n ttrebga akken ad-ceggεen inelmaden n weswir alemas n tγiwant At-Zikki γer uγarbaz amezwaru n taderet Amekrez i yellan niqal yettwaγlaq deg seggasen yezrin. Dγa imawlan n yinelmaden n tγiwant n At-Zikki sḥasfen aṭas γef laεḍil yellan deg lebni usenfar uγarbaz alemas n tγiwant-agi γef zik lḥal akken tarwa-nsen ad-lemden di tegnatin yelhan, xarṣum wid ara yesεeddin akayad n BEM? imi aγerbaz-agi i deg lemden yella deg-s lexṣaṣ meqren, am tawil useḥmu ,uggur n wučči, ddiq yellan d waṭas niḍen.
Islam Bessaci