Tajmilt i unaẓur Mhamed Ben Gettaf

Partager

Axxam n umezgun n Tizi Uzzu Kateb Yassin yesmekta-d anaẓur azzayri deg uḥric n umezgun Mhamed Ben Gettaf anda I d-snaεten amecwar-is s tugniwin d imagraden. Ad d-nesmekti M.ben Gettaf d win ilullen deg 20 deg cutember 1939 . Amecwar-is, yebdad deg Radyu mebεed 1962; yekcem γer uxxam n umezgun aγelnaw  deg usaggas 1966 anda yufa imeqqranen n umezgun azzayri gar-asen RWICID , MUSTAFA KATEB…Gar tcuqqufin yexdem, Fatma 1990, café de la paix 1998. Seg 2003 ar ass-a, d imeḍebber γef uxxam n umezgun azzayri. Tajmilt tebda s wawal n unemhal n yidles anda i d-yenna azal d wamek yuklal tajmilt yecban tagi d wayen I d-yefka i tẓuri–agi n umezgun azzayri.Llan aṭas n wudmawen n umezgun gar–asen, Sliman Ben Σissa akked mass Ahmed Hammuni seg tesdawit n wehran i ixedmen tizrawin-is γef tmezgunin n unaẓur-agi anda i d-yenna: ”Mhamed Ben Gettaf d tigejdit n umezgun azzayri…” Deg tejmilt-agi, daγen, yella-d ufraq n yigerdasen n uselmed i yilmeẓẓyen yekkan deg wussan n uselmed i d- heggan yiselmaden n tmurt n Lezzayer d ibaraniyen deg uḥric n umezgun. Deg taggara yella-d uskan n yiwet n tceqquft n umezgun i warrac imecṭaḥ s uzwel ”Dimna umusnaw” i d-yessufeγ Mass Rida Σamrani , ma d aẓawan ixdem-it Mass Ḥsen At Zaεim. d tamezgunt iεejben aṭas, ama d imawlan neγ d arrac, dayen i nwala , dγa dayen i aγ-tenna yiwet seg-sen:”c’est genial,lukan yal ass aγ-d-awin akka………..” Ma d Tiziri d taqcict tamecṭuḥt :”yeεjeb–iyi aṭas imi nekk ḥemmleγ amezgun …”      

D.S.L.                                                                                            

Partager