Buεlam Messusi ilul di Tqeryet (At Weγlis) deg useggas n 1951. Yebda tamedyazt deg iseggasen n sebεin. D yiwen yettarun imeslayen i watas n icennayen n teqbaylit ( Gar-asen Ccix Lmehdi ). Yessufeγ-d adlis amezwaru deg useggas 2003 ( Fables de La Fontaine choisies et adaptées en Tamazight) s talelt n usqamu unnig n Timuzγa (HCA) Tineqqisin deg useggas 2009 γer Tezrigin Sefraber di Fransa.
Kalila d Dimna γer tezrigin TIRA 2012.
Am akken i d-yessuqel : “Les fourberies de Scapin n Molière», “Les trois écus” n Plaute “La poudre d’intelligence” n Kateb Yacine d watas n yedrisen n Brassens, Jj Goldman, René Philombé Ahmed Azeggagh, Baudelaire, Raymond Lévesque…
Yella daγen γef uqerru n tesqamut n uktazal (jury) di temlilin n tmedyazt i d-yesuddus yitri adelsan n Weqbu yal aseggas (2005-2011). Yewwi araz uslig( prix spécial du jury) – Poésiades de Béjaïa 2000
Araz amezwaru ( Art et culture d’alger) 2003
Araz wis tlata ( art et culture d’alger) 2010