Ussan-agi ineggura, yekker uhetwir deg uselmed n tmaziγt. Mačči d ugur n ttawilat neγ d lexsas n yiselmaden, meεna d aselmed s timmad-is. Σlaḥsab n yisallen i aγ-d-yewwḍen, ugar n setta n yiselmaden ur reṣmen ara (titulariser) yimaswaḍen. Ha-tt-an ihi, terwi tebberwi : gar zεef n kra d tugdi n wiyaḍ ; gar wid ur neṣṣaweḍ ara s iswi d wid yettrağun nnuba nsen, ‘’am win yettrağun Rebbi.’’ Meεna ayen yessewhamen, γef wakken i d-nnan, wigi akk ixesren zgan-d kif-kif deg yiwet n temnaḍt, meḥsub deg umalu n lwilaya n Tizi Uzzu. ‘’Amek i d-newwi akayaḍ-nni imi ur nezmir ara ad nuγal d iselmaden ihi ? Yerna d imaswaḍen-agi uγur nesεedda. Ass-nni, ih, ass-agi ala ?’’ i aγ-tenna s zzεef yiwet n tselmadt. Ma d F yesḥassef aṭas γef wayen iḍerrun deg tama-agi imi netta deg tama-s teddunt temsal akken iwata :‘’Nekni deg tama n usamar n Tizi Uzzu, weğin yeḍra waya ; leεmer yexsir yiwen. Uqbel ad iṛessem umaswaḍ aselmad, yettas-d γur-s i wakken ad mεawanen γef wuguren i d-yettaf deg uselmed-is, syin ad msefhamen γef ttiεad ara yextir uselmad. Mi yewjed uselmad dayen, ad as-yessiwel i umaswaḍ ad d-yas γur-s. S wakka ad yefreḥ uselmad ad yernu umaswaḍ, lfayda ad tt-megren yinelmaden.’’S umata, εlaḥsab n yiselmaden, llum ad yuγal akk γef yimaswaḍen-agi imi d nutni γef wayeg i d-tewwi ad fehmen iselmaden. D nutni i ilaq ad d-afen tifrat i yal aselmad, mačči d akemmel ara kemmlen i win yesεan ugur. Taruẓi-agi ad as-d-tekk d aεewwiq di tudert-is ; ad as-tuγal d tiyersi i tezmert-is. Ma d T, tkemmel tenna : ‘’ Imaswaḍen qqaren-aγ-d i nekni ur ilaq ara ad tesεedlem inelmaden : yal wa d tizemmar-is. Meεna, nutni la sseεdalen iselmaden. Nwan deg luzin i d-neffe&gamma,; d tibewwaḍin n ṭumaṭic, kif-kif-itent. Et puis, imaswaḍen-agi i ixedmen tabaxixt-agi bγan ad nexdem akken i d-qqaren mebla ẓran aya ur iwulem ara, ur semgaren ara gar (savoir-faire akked savoir refaire-agi nsen).
Ur ẓrin ara tizemmar ilaq ad tent-txelqeḍ kečč, ad tent-tesnulfuḍ kečč, ad d-tebnuḍ tiririt iwulmen, mačči ad tent-tjebdeḍ deg wahil yettwaheyyan yakan.’’ Asteqsi i nezmer ad d-nger γer unnar d wa : amek iselmaden yesεan tiktiwin am tigi, ur wulmen ara i uselmed ? Amek werğin i d-yeḍri wanect-a deg taεrabt neγ deg trumit, yerna iselmaden n tmaziγt sεan akk la licence mačči am wiyaḍ ? Ne&gamma,; ahat, d (La pédagogie des opprimés n Paulo Freire) i yeḍran : s kra n tneḥyaft i d-teddreḍ, ad tt-txeḍmeḍ i wiyaḍ, ma mačči kter ! Ma d ta, ad tt-iqil kan Rebbi !!!
Hocine. M