Ifeyyey (Figuig) d “tamdint n tezdayt” yellan di Lmaruk. Tebɛed s wazal n 360 kilu si Oujda d 07 kilu si temdint n Beni Ounif n Lezzayer. S-yin dɣa i d-yugem Hassane Benamara cwiṭ seg tmucuha n Iffiyey d-sufɣent tezrigin Achab. “Yettmeslay weɣyul ɣef lḥukkam yettaɣen tajalt. Temmal tizitt i wemdan amek ara yeṭṭes di lexlawi. Yuɣal-d leɛqel i umumad. Uccen, ɣas yelluẓ, yemsenyaf tilelli ɣef ẓur. Uccen ur neẓri ansi ar as-yekk asmi yetuqqet lxir. Tamɣart ɣas akken tenḥaf mazal-itt tassaram di ddunit… D wi akk yellan di “Tmucuha n Ifeyyey” i d aɣ yesselmaden, i nukni s yemdanen, i d aɣ-yemmalen cwiṭ si temɣer d “tmusni” n tsekla timawit n les Oasis berbères”
