Deg wussan-a ineggura, yesberber leḥzen ɣef temdint n Ain Bessem i d-yezgan tama n usammer n Tubiret s lmut n yiwen n ugrud n wazal n 13 n yiseggasen di leɛmer-is. Akken kan i tessulles, nnejmaɛen yimdanen s ixxamen-nsen, yekker uhetwir mi slan medden i usuɣu. Mi d-fɣen, afen-d aqcic yexnunes di temda n yidammen, imi yuɣ tiyita qessiḥen s lmus. Kra kan n tedqiqin, wwḍen yiɣallen n laman s amkan ɣer tama n wid n usellek, i yessawḍen tafekka ɣer sbiṭer. Anadi yebda mebla leɛḍil iwakken ad afen win akken i ixedmen taxazabit-a. Ssawḍen yiɣallen n laman n temdint-a ad kksen leckukk, imi ufan dakken d tadyant gar sin n yimeddukkal. Iwulem kan ad d-nesmekti belli mačči d tikkelt tamezwarut i d-teḍra tedyant yecban ta, meɛna, tuɣal temdint-a n Ain Bessem d amedya di cɣel-a. Deg unebdu yezrin, yella-d waya gar sin n watmaten, imi yiwen yenɣa wayeḍ deg uxxam.
S. M .