Ass-nni n lexmis, 28 deg meγres 2013 i d-tella temlilit n taggara n tfaska n usaru amaziγ deg uxxam n umezgun Kateb Yacine n temdint n Tizi Uzzu. Temlilit-a, tettuhegga-d i tikci n warrazen d cciεat i wid i d-yufraren deg uḥric-agi n sinima. Akka dγa, i yettunefk warraz ‘’Tazemmurt n uwraγ’’ n ṣṣenf n usisleg (doublage) i usaru ‘’ Kiki, Viking 2 : aḥeddad n lqalus’’ n Samir Ait Belkacem. Ma deg ṣsenf n yilmeẓẓyen (jeunes talents), yettunefk warraz n wuraγ i ufetraw (documentaire) n Slimane Belherret). Arraz n uwraγ i usaru n usider (film d’animation), yewwi-t Massinissa Ould El hadj. Am wakken i yettwanefk warraz i Nadia Bouferkas γef ufetraw ines (documentaire) ‘’Chez Salah’’.
Ma d arraz ameqqran, meḥsub ayen yeεnan isura, ‘’Tazemmurt n wuraγ’’ yewwi-tt usaru ‘’Banc public’’ n Djamel Allam.
Llan-d, di&gamma,; warrazen i wid yuraren akken yelha. Arrazen-agi wwin-ten, Merzouk Hicham akked Hadjira Oubachir i yuraren deg usaru awezlan ‘’Iminig’’ n Embarek Mennad.
Deg taggara, nnan-d :
Djamel Allam : Asaru-agi, nniqal ad t-xedmeγ d tizlit, syin rriγ-t γer sinima.
Slimane Belherret : D tikkelt tis 4 i kkiγ deg temsizzelt. Ass-a yewweḍ- d lawan anda tettunefk tejmilt. Akken i as-nnan : win iteddun γef tidet yessawaḍ
Samir Ait Belkacem : Tajmilt ad tuγal i Muhia, d netta i yerẓan asalu i ubrid-agi i d-neḍfer.
Hocine. M