Aḥric n tezmert deg tɣiwant n Amecras deg Buɣni d win yettidiren deg lixṣaṣ meqren. Imezdaɣ n tɣiwant iwumi yewweḍ leḥsab ɣer 13 000 n yimdanen i iferqen ɣef 11 n tudrin rwan lmerta n usiweḍ n yimuḍan-nsen ɣer tɣiwanin tiǧiratin. Ar ass-a, asenfar n lebni n yiwet n la polyclinique iwumi i-d yefka yiwen umezdaɣ taferka n 1 uhigṭar, mazal ur d-iḍhir ara.
Ɣas akken yella-d uɛiwed n snat n tzeɣwa n tujya, yiwet deg tɣiwat tayeḍ deg At Yimɣur , maca tineggura-a ur yelli deg-sent umejjay. Yettas-d tikkelt ar snat di ddurt.
Taswiɛt-a d tin ur nezgil ara sbiṭer n Buɣni ideg llan 60 n yimekwan uɣur ttabaɛent 4 n tɣiwanin. Aneggaru-a, ɣas akken yesfaydin s yiwen n usenfar n useweseɛ- ines, maca ar ass-a acemma ur d- yelli.
Dalila I