Ʃli: Aqettal n tlawin…ih …i kečč d acu i d ak d-tuqeε?
Weεli: Tuqeε-iyi, ama tura neɣ anida nniḍen yiwen ur yezmir ad-iyi kkes tamuɣli-w ɣaf wiyaḍ…ar tura yella deg-i uḥussu n lemqadra d uɣunfu
Ʃli: tγunfaḍ-iyi?!
Weεli: aya waqila d azref-iw, ma yeqqim-d deg-i usemgired gar yiseɣ d usekkak, tudafin-nneɣ ɣaf lqaεa d ulac n tjebdit (TIJEBDIT-ALĞADIBIYA) ur ṣfiḍen ara deg-i aḥulfu, ayen tebɣuḍ t-iniḍ-t-id ur tessawaḍeḍ ara ad-iyi tesimneḍ, nekk (D TAMACINT) d taɣawsa, d tidet anida akka nella, teffeγḍ-d i wennar n uṣaḍuf, yiwen ur yezmir ad ak isemmi, maca i nekk yellan zdat-k yal abrid ara k in nemmuqleɣ, izeggir-d ɣar wallaɣ-iw wayen i t-giḍ, ubannar ur yezmir yiwen at yeg ala win yefflen akk i tlisa, aḥeccad
Ʃli: akka akk i d-iyi-d tettwaliḍ?!
Weεli: akka, naɣ ugar
Ʃli: tura akka da!?
Weεli: ih! Tura akka da, yessefkk ad nessenser ticelmatin iγerṣen ɣaf wudmawen-nneɣ ad d nbeggen tuffirin-nneɣ, tinzar n uceṭṭiḍ uli i wacutent.
Ʃli: ur masriɣ, maca…
Weεli: haqel-aɣ da am yigerbuzen yettwawelhen i tafat…ala iẓiɣer-iw d yiẓirer-ik (ame) i d newwi yid-neγ…igerbuzen yesburren talsit-nneɣ (humanité), ma nxes tidet ulac ayen ara yeffer yiwen ɣaf wayeḍ ayen yellan akk ad d ittwabeggen…ayen yellan di teccuyt ad t-id yessali yeflu
Ʃli: tamuγli-k ɣur-i d tiruxsa d usekkak
Weεli: uh! tuɣaleḍ-d alammi i d din tura kečč-i!
Ʃli: tura, tura ur tufiḍ i d yeqqimen ala kečč d nekk ur tufiḍ i as yettilin i wayeḍ nnig wayeḍ, ala kečč i d-iyi-d yeqqimen …acku ala kečč kan i d yeqqimen d tikemmict yeddren n wakal, wamma tamurt d ayen temmut deg llaɣen-nneɣ
Weεli: ur fhimeɣ ara d acu i tebɣiḍ ad t-iniḍ?
Ʃli: ulac, ur zmireɣ ara ad iliɣ yid-k skud tettwaliḍ-iyi-d d ….
Weεli: ihi tḥusseḍ?
Ʃli: d ayen ibanen
Weεli: d ayen yessefraḥen
Ʃli: ula d nekk d amdan am kečč ttḥussuɣ, yella kra i ak xedmeγ akken ad t-ttqejjimeḍ deg-i ad trennuḍ?! d acu i ak xedmeɣ aha tra ini-d?!
Weεli: mačči d asirexes i yebɣiɣ ad ak srexseɣ, bɣiɣ kan ad d begneɣ ayen yeffren deg-k, yella kra n was i d tecqecreḍ kra n useklu, ad twaliḍ ma yella yeqqur naɣ yeggar-d imeṭṭawen?!
Ʃli: sell-iyi-d: ad ak-d iniɣ akk ayen yellan s yin akken i ak yehwa sres-iyi Nekk ar tura ur k-id steqsaɣ, acku ur bɣiɣ ara ad ak sezrefeɣ (jujer)
Weεli: yehwa-ak kan yiwen ur yezmir ad i sezref wayeḍ da, asezref yeḍra di lqaεa, din i d ffɣen izarafen (jujments) n tmenɣiwt.
Ʃli: i wacu i t-tteddzeḍ trennuḍ deg waman ihi?!
Weεli: s talwit kan waqila ar tura ur d fhimeḍ ara iswi-w
Ʃli: ur ak d fhimeɣ ara! Fhem-iyi-d tura kečč s yin akin, ih tiyita n Rebbi tayeḍ n mḥend aḥeḍri ma yella ur nettemsefham ara ur walaɣ ara d acu i aγ-d iqqimen! ala nekk d kečč yerna deg yilem a d ilem ameqran d ahmal I d nehmel, ur neẓri anida nella neɣ anida ara ad nnaweḍ, ruḥ ad temmuqleḍ di ṭṭaq ruḥ, meqel ulac …ulac ala nekk d kečč d ugerbuz a i deg-i nella muqel.
Weεli: (iruḥ yemmuqel di ṭṭaq) ah! Seddaw-nneɣ dilem sennig-neɣ d ilem ur yelli ugessar ur yelli usawen
Ʃli: akka ara neqqim nekk yid-k alamma wissen dɣa amek ara teḍru yid-neɣ, dayemi i ak-d qqereɣ yewwid ad nemqarab gar-aneɣ, wala ma nemyudaf acku kra yellan yettudaf fella-neɣ yerna s urured (rapide) Sslan i uṣeffer deg yiwet n umris
Weεli: (yexleε) d acu-t wa?
Ʃli: d ARADAR
Weεli : d acu yeḍran ?
Ʃli: (yemmuqel s urured) d tafekka…!
Weεli: d tafekka?!
Ʃli: (yesmeḥsen deg uradar-nni) nizek….d abluɣ (globe)
Weεli: at nedhem?!
Ʃli: wissen?!
Weεli: ihi tewweḍ-d lmut!
Ʃli: wissen!
Weεli: acḥal akka i d yegran akken anemsdeḥdaḥ yid-s?!
Ʃli: (kan akken yesmeḥsin) azal n dqiqa
Weεli: dqiqa? Iyyaɣ ad nemsalam ihi!
Ʃli: yak nekk d iri-yi!
Weεli: ih! bɣiɣ kan ad waliɣ…maca a wi yufan ur d nniɣ kra
Ʃli: skud nettaẓ ar ubluɣ
Weεli: suref-iyi
Ʃli: atan newweḍ! qim, qim mdel allen-ik
Weεli: tessurfeḍ-iyi?
Ʃli: (yemmuqel ar umris) qfell allen-ik eqfel!
Terεed tebreq terjuji teɣli-d talast nutni ɣlin-d ɣef tnaεurt (fusé) kra kan tuγ-d tafat qqimen i sin: yiwen ur ḥerrek amenzu iga akka i hḥerrek yebɣa ad yekker fella-s
Weεli: d acu yeḍran? Nemmut?! ur tufiḍ i d-iyi yuɣen i kečč ay ameddakel (at id yessaki)
Ʃli: ula d nekk ur tufiḍ i yeḍran yid-I, neslek neslek
Weεli: ah! ur nemsderdaf ara, ur nemselḥaq ara
Ʃli: ih ahat d zher (iruḥ ad yemmuqel ar radar-nni yemmuqel deg-s) ur tufiḍ i d yettbanen, ahat izellem fell-aɣ wissen amek kan ur nemṣendaḥ ara!
Weεli: ur d iwwiḍ ara wass-nneɣ.
Ʃli: akka d yettban ad yiɣzif leεmer-nneɣ.
Weεli: s tidet?
Ʃli: leεmer n bu deεwessu d umezlug… akken qqaren, skud lliɣ yid-k tufiḍ ara k yeḍrun, ɣas deqqer tugdi ɣef yiman-ik
Weεli: ih mačči ala kečč
Ʃli: d nekk i d aqerruy n deεwessu, d nekk kan d asekkak, d nekk i d bu tferɣi, d nekk… akken qqaren: mačči εeddi kan ammuxi
Weεli: tugiḍ ad tettuḍ, ad ak galleɣ, ma yella akka i tettɣiliḍ i k id ttwaliɣ
Ʃli: akken yebɣu yili d ayen yellan i d tenniḍ
Weεli: nekk ihi ur as erriɣ ara azal, ɣur-i d aqesser, ur telli d tidet, ur yelli… d ayen tura,
Sexdem cwiṭ allaɣ-ik fhem-iyi-d
Ʃli: fehmeɣ-k-id yerna aṭas
Weεli: tfehmeḍ-iyi akken nniḍen
Ʃli: dayen tura fehmeɣ-k. Anef-iyi tura ad nwali s wacu n ururd is nettafeg
Weεli: yella wayen ara twaliḍ…yal tikelt d amek nettili tikelt d amqeccem, tikelt d tagmat nettu akk belli haqel-aɣ am win ihemlen i teddu ur iban sani
Ʃli: (zdat n umris (appareil) yelli imi-s yewhem) d ayen yunzen tikerkas
Weεli: d acu? aya ɣaf nettmeslay?! d tidet ɣas ma yella tuɣ-aɣ di tlemmast n yilem nettḥussu s wawal n diri, nettagad ad as-d nebru i tidet yal yiwen deg-neɣ yekkat amek ur yettimẓi ara zdat wayeḍ, d tisewham!
Ʃli: (yemmuqel ar uradar) ay agjdur! D ayen ur nelli
Weεli: (yugad) d acu-t ?!
Ʃli: (yemmuqel ar uradar) ay agjdur! D ayen ur nelli
Weεli: (yugad) d acu-t ?!
Outamazirt