Tesfayed-id tɣiwant n Tizi Wezzu s wazal n 16 imelyunen n yidinaren ilmend n weḥric n usizdeg. Tadrimt-a, ad yili useqdec-ines ilemend n tiɣin n lḥerǧ amaynut akked uwenneɛ n tegnat n uxeddim i wid yessizdigen tamdint. Ad ner tamawt belli ixeddamen-a ḥebsen ɣef uxeddim deg 23 yebirir yezrin i wazal n tlata n wussan. Ixeddamen ssuturen izerfan-nsen d uwenneɛ n tegnatin ideg xedemen yal ass am lebsa n uxeddim, tujjya. d wayen nniḍen. Di taggara yesunefk ad ner tamawt belli tezedeg n demdint n Tizi Wezzu d ugur meqqren iwumi mazal ur ufin ara imeḍbren tifrat. Ula d tikubaniyin n weḥric n “le privé», am tkubanit CAROM ur sawḍent ara ad frunt aɣbel-a. Ɣas akken yella-d wefran n yiwet n tkubanit i wumi qqaren NICOLIN (n tmurt n Fransa), maca yella-d usefsex n leɛqed s sebba n waṭas n iɛwiqen.
Dalila I.