Tazeqqa n yidles neɣ n temdint n Iɛẓugen, mazal ar assa ur telli ara tiwwura-s ɣas akken lecɣal d wid yekfan s nnig n useggas aya. Ad nesmekti belli cceɣl-agi d tanemhalt n Yidles i yeskelfen syis ɣas akken yella-d lebni-ines s wazal n 70% s tedrimt n tɣiwant. Ulamma tella-d tulya ines s wudem unṣib ass n 2 yulyu deg useggas yezrin, maca ar ass-a ur d-yelli useqdec-ines ɣas akken imezdaɣ, ladɣa ilemẓyen d wid i tt-yeḥwajen s waṭas imi taɣiwant d tin ur nesɛi ara tizeɣwa nniḍen deg ara d-sudsen leqdic adlesan imi aḥric-a d win yenḥafen s waṭas deg tɣiwant n Iɛẓugen. Ulla d axxam n yilmeẓyen, i yettwabnan deg tallit n Fransa, d win yellan deg yir tignatin imi uɣen iɣusa leḥyuḍ-is. S wakka imezdaɣ ssuturen i wakken ad yili useqdec n tezeqa-a n yidkes ladɣa deg wussan imuras i-d-iteddun.
D.I.