Tadwilt tamenzut n tmaɣra n uyefki i d- tessudes tejmaɛt n taddart n Yimalusen deg tɣiwant n Timizar i d- yellan ddurt yezrin d tin yewḍen ɣer lmerɣub. Ɣas akken ttawilatat d wid meẓẓiyen,maca asirem d win meqren. Imḍberen n tesqamut n taddart s lemɛwna n tɣiwant sudsen-d leqdic-a adelsan deg uɣerbaz amenzzu Atmaten Ait Ramḍan anida rsen 17 n yiqiḍunen ideg llant temzikniyin n yisufar i yettwaxdamen s uyefki. Tadwilt-a tamenzut d tin ideg llan wid yettrebbin lmal d wid i yesseftin deg tdamssa n yisufar n uyefki. Taɣiwant-a ideg llan 1000 n wid yettrebbin lmal, tessufuɣ-d azal n 30 000 n litrat n uyefki i wass. Aḥric n usefti d win i d- yeglan s lfayda meqren i tɣiwant n Tmizar imi teslul-d azal n 4000 n yimekwan uxeddim. Ad nerr tamawt belli taddart n Yimalusen d tamenzut deg tmurt- nneɣ deg usufeɣ n uyefki, am wakken i d- yella usebded n yiwet n tdukli n yimawlan n lmal ilmend ara d-yilin di lmendad i yifellaḥen.
Dalila I.