Agwaḍ γer yeswi, mačči d awal kan, s wawal weḥd-s, yiwen ur ixeddem ayen s-illan di lbal.
Qarren yiwen n zzman, awal s wazal-is, dduklen iγerdayen di tseqamutt i wakken ad rren talast i wemcic id-iγeḍlen fell-assen lḥif, inṭeq umuqwran deg-sen:-Ay iγerdayen ass-a snejmaεγ-kwen-id akken ad d-naf tikti i lbaṭel-agi i la ideṛṛun fell-aγ yal ass si lbaṭel n umcic.
Qimmen yal yiwen i ttak-d tikti-s, maca ta tzad ta tenqes.
Iγli-d yiwen s tikti d lεali-tt inna-asen:-Ay atma a d-nejmaε idrimen ad naγet naqqus ad as-t-neεlleq di temgert-is, an-nuγal kul ma sen-nsel i nnaqus a neḥṣu yis-s wa a nerwel.
Feṛḥen akk iγerdayen s tikti-nni acku telha, maca tuγal gar-asen yal yiwen iqqar-as ur sεiγ ara adrim, wayeḍ iqqar-as nek ur xedmeγ ara, amek ad fkeγ aḥric-iw seg wazal n naqus, ihi yekker wawal, tikti telha, naqqus γlay.
Inṭeq yiwen uγerda d netta akk i d igellil:-Ay atma naqqus yeshel d nek a t-id-yaγen, maca aγbel d anwa a s-t-iεelqen.
Dγa iγli-d wuggur n tidett yal yiwen ibra i wallen-is.
Yeḥya Yanes.