Yiwet n tedrimt meqsren (wazal n 120 imelyunen n dinar) i d-yettewahegan ilmend n uɛiwed n 21 n yibarajen di tɣiwanin n lwilaya n Tizi wezzu. Ibarajen-a nṭṭeren mačči d kra deg cetwa n useggas n 2012. Ad nar tamawt belli deg useggas n 1980 yella-d lebni n 83 n yibarajen imeẓyanen ilmend n usefti n weḥric n tfellaḥt. Inegura-a d wid ḥuzen ideflawen n cetewa. lecɣal-a n uɛiwed ara sddunt 3 n tekubaniyin d wid ara yebdun deg wagur-a n yunyu , ɛlla ḥsab n tenmehalt n waman, i d- yenan belli lecɣal-a ad ddun ɣef 12 n wagguren. Tazwara ad tili deg ibarajen n teɣiwanin n Buǧima, Tadmayt, Tizi Netlata d At Caffa, tin ɣurs d Tizi Wezzu, Draɛ Lmizan d Iɛkuren. Amakken ad yili uɛiwed n rebaɛ n y ibarajen deg Freḥa d At Wagnun, d rebɛa niḍen deg Timizar, Tagmunt, Tiliket, Cauffa, Meqlaɛ, Meɣira d At Xelili yellan di dayra n Meqleɛ. Si tama niḍen, ad yili lebni n 12 n n ibarajen deg tamiwin yemxalafen n lwilaya n Tizi Wezzu.
Dalila I.