I usfuggel n was aɣenaw n unaẓur , i d-ituɣalen deg 8 yulyu n yal aseggas, iheyya-d uxxam n yidles Lmulud n At mɛemmer seddaw leɛnaya n tnaɣlaft n yidles, yiwet n tejmilt tameqqrant i kra n yinaẓuren i imucaɛen di ccna d tẓuri taqbaylit sumata , gar-asen ad nebder, Keltum, Crif Xeddam, Ɛebd rreḥman Bugermuḥ…
Tajmilt isen-yuɣalen i inaẓuren-agi deg was-nsen aɣelnaw, tella-d s leḥdur n waṭas n yicenayen n tezlit taqbaylit i d-iḥyan yiwet n tmaɣra d tameqqrant deg tzeqqa n tmaɣriwin n uxxam n yidles n Tizi Wezzu, gar-asen ad nebder, Kamel Uɛmer,Ljida, tacennayt tameqqrant Nuwara, Brahim Tayeb d wiyaḍ nniḍen.
ɣef teɣzi n tlata n wussan ad tuɣal tejmilt, i inaẓuren I d-nebder I yefkan tudert-nsen iwakken ad senarnin taẓuri yessawlen s tutlayt n tmaziɣt.
Di tzeqqa n umezgun Kateb yasin , tuɣal-as tejmilt I tcennayt Keltum, isem-is aḥeqani Äica Äajuri, tlul deg was n 04 yebrir deg useggas n 1916 deg temdint n Leblida, d yiwet ger tlawin I yesɛan azal di tzuri tazzayrit, imi turar deg wazal n 20 n isura, d kter n 70 d tacequft n umezgun . am akken is-tuɣal tejmilt tameqqrant I ucennay ameqqran Crif Xeddam deg uxxam n yidles Lmulud At Mɛemmer , tajmilt d tagnit I wid akk I ten-isnen I waken ad meslayen ɣef yineggura-agi, imi yal yiwen deg-sen yenna-d ayen I wumu yecfa , neɣ ayen yedder akked yinaẓuren –agi I iqdecen deg yiḥricen yemgaraden.
Malika Kebaili