Anebddu d timeɣriwin d tfaskiwin deg tmurt n leqbayl. Mbaɛd tadwilt tis tmanya n tmeɣra n ḥeb lemluk deg At Yiraten d tadwilt tis tlata n suq n At Waɛban deg Uqbil, ass n leǧemɛa yezrin, d nnuba n tɣiwant n Feriqat i d-yessewjden tadwilt tis tlata n tmeɣra n seksu ara d-yilin ass n 20 yunyu. Ɣef teɣzi n sin wussan, ad d-yili usenɛet n seksu yettwafetalen s ufus deg uɣerbaz alemmas Baz 4 ara yesdarin tafaska-a. Gar wid ara yeseknen lḥerfa-a ad naf seksu Laḥlu, Kuskus Friqat, Aɣerbal d wiyaḍ niḍen ara d-yasen seg tamiwin yemxallafen n tmurt nneɣ. Ad nar tamawt belli ad yili usenɛt n lemwakel ijdiden mazal ur d-nin ara d acu-ten, imi deg tezrigt yezrin yella-d usenɛt n seksu n ruz i d-hegga tekubanit Laḥlu.
Dalila.I